Komeleya Nivîskarên Kurd li Swêdê: Çîrok


Kurteçîrokek- Ji Paşa Brodrêj
================================================================================
Zinar Soran on 04 November, 2011 01:45:00
 
Mîna her rojî, kuçeya Qeleboxaziyê bi tevger û şemate bû. Ji tenûra
Qadoyê nanpêj, bêhna nanê teze derdihat û bi ser kuçeyê da belav dibû. 
Li hemberî qehwexaneya Heciyê Kor, Osmanê Bêvildirêj yê nalbend li ber
kerekî reş rûniştibû û lingê wî nal dikir.  Hedadên esilêrmenî li
dikanên xwe, nîr, das, qirim, mer, bivir, tevr, manqal, sobe, nal û her babet
feraq û fol çê dikirin. Şerqînî û terqîniya wan guhê meriya ker dikir

Çêlkewên hustuxwar
================================================================================
Enwer Karahan on 26 February, 2009 11:30:00
 
Sibeheke hezîranê bû ku bayekî hênik xwe ji lata di ser şêniyên me re li
rûyê mirovî radipelikand; tîrêjên rojê ji paş çiyayî ve xwe li
derdawkên darên zeytûn û mişmişan radikişand. Min xwe di kozika li ser
kaniyê kiribû qoncik û min li dengê wê kewê guhdarî dikir ku ew ji pala
latê dihat.