Komeleya Nivîskarên Kurd li Swêdê: Destana Şêx Seîd

Destana Şêx Seîd
================================================================================
Enwer Karahan on 28 August, 2009 07:14:00
 
Cenga Şêx Seîd bo welat
Ji Serhedê heta xelêt
Bi tekbîr û nimêj, selat
Dengê cengê çû rojhelat
*
Şoreş jê re wek cejn û îd
Zagon bi Qur'an a mecîd
Di xwend Qur'an şêxê cedîd
Şoreşgerê xwedyê murîd
*
Serî  rakir  şêx  bi civat
Ji  bo  welat  bike  felat
Bi azan û xwedin, zekat
Dengê cengê çû rojhelat
*
Bo  azadî  dikir  xebat
Tu wext pê nedibû tebat
Biser  neket çi bobelat
Nediskinî zehf bi lebat
*
Siwarê bozê rehwan î
Di xwend qesîdej dîwan î
Serwerê  roja  giran î
Şêxê mi mîrê de'wan î
*
Rabûn  li  dij  sazûman î
Doza şêxêm kurdistan î
Demsal bîst û pênc zeman î
Xweda jê re li hev nanî
*
Şêxê min tu gelek berz î
Di  dilan  ra  kirin  derzî
Dil  û cergên me derizîn
Wek  şûjina li dest terzî
*
Neyar  agir  berda  welat
Zilma zalim zeft kir xelat
Wan şehîd kir şêxê welat
Fîxan, feryad çû rojhelat
*
Neyar wek guran berizîn
Can  û  cîger  tev lerizîn
Mal û milkê me tev dizîn
Li  gerdûnê  pê  gevizîn
*
Neyar  rakiribû  ferman
Yado rakir toz ji çerman
Xalit  begê  cibrî zeman
Ji dozê ra ew bû derman
*
Zalima  di  gotin  eman
Yado mîrê hemû deman
Cengawerê şêxê zeman
Dilawêrê  zêde  yeman
*
Yado  ji  dozê  re mêr bû
Pehlewanek wekî şêr bû
Serleşkerek zehf bikêr bû
Ew lehenga pirr bixêr bû.
*
Îxanet  kir  zebanî yan
Tevê cehş û biyanî yan
Fêris, rûs û ecnebî yan
Birin neft û çavkanî yan
*
Ji  xezebê  gel  qerisîn
Jehr  û  kîmyayê  fetisîn
Can û cesed tev tevizîn
Xwîna gelê me wan misîn
*
Rabin ji xew ev çi hal e
Me ne cih û me ne mal e
Em man feqîr bêpergal e
Zar  û  zimên tit û lal e
*
Zilmê rakin bigrin xelat
Heta em xwe nekin felat
Azad nabin j' zilma qewat
Alê  daynin birc û kelat
Elmanya, 15.06.2006
Ebdurehîmê Mûşê
dengbej@hotmail.de