Vladimir Minorsky yek ji rojhilatnas, lêkolîner û kurdologên navdartirîn û serwexttirînê bi rewş û dîroka kurdan e. Lêkolînên wî yên li ser dîroka Kafkasyayê ji bo lêkolînên kurdî û xebatên li ser dîroka herêmê çavkaniyên girîng in. Bi vê kitêba di destê we de, ku berê beşek jê bi navê “Pêşdîroka Selaheddîn” çap bûbû, xebata wî ya li ser Kafkasya di kurdî de temam dibe. Ev kitêb wergera herdu beşên pêşî yên vê berhema hêja ye ku birêkûpêktirîn çavkaniya ser dewleta kurdên şedadî ye û bêguman çawa ku Minorsky jî diyar dike, agahên ser dewleta vê xanedaniyê ê hem valahiyeke dîroka kurdan ya derûdorên Kafkasyayê dagire û hem jî serdemeke tarî ya dîroka xanedaniyên îslamê yên wê navçeyê ronî bike.

Ev pirtûka Xelîlê Çaçan jî ji wê dema bihuştî ye ku îro ji wê bihuştê tenê ev mane. Ev pirtûka tehmxweş, bi çêj û gotinsivik jî ji kurteçîrokên pir kurt û kurd ên wê demê pêk tê. Xelîlê Çaçan metequlk û belkî serboriyên ku wê demê guhdarî kiriye û parçeyekî girîng ê çand û kevneşopa kurdî ne, nivîsiyîye. Metequlkên Xelîlê Çaçan hin ji rûpelek an jî du rûpelan pêk tên, hin jî ji nîvrûpelê pêk tên. Wekî meseloka ku yek diçe ber behrê û dinihêre mirovek pêlên behrê dihejmêre, lê her ku pêl tê ew dibêje “yek”.

”Kendalên Kevanên Min” pirtûkeka kurteçîrok û ceribandinên kurdî ye. Nivîskar Zerdo (Zerdûşt) Öztürk, ji bûyerên derdorên xwe, serpêhatiyên xwe yên rojane bi kurdî nivîsandiye û di pêşgotinê de, serpihatiya xwe ya destpêka nivîsandina zimanê kurdî jî rave dike. Li ser pirsa birayê wî yê mezin “Zerdûşt tu dikarî bi kurmancî “Qelax” binivîsî?”meraqa alfabeya kurdî û berhemên kurdî li cem wî peyda dibe.

Di destpêka sibatê de berhevokek ji helbestên Kemal Burkay bi navê “Snön skäms” (Berf Fedî Dike) bi zimanê swêdî derket.

Vê dawîyê ji alîyê weşanxaneya LÎSê ve pirtûka endamê me Têmûrê Xelîl ya bi sernavê "Dengê Xwînê" çap bû. Em li jêr çend malûmatên li ser vê pirtûkê pêşkêşî xwendevanên malpera xwe dikin: