Paşa Brodrêj / Leyla Fîgaro di eslê xwe de Leyla û Fîgaro ye. Leyla û Fîgaro weke jin û mêr pênc salan bi hev re dijîn û ji hev vediqetin. Rastirîn, Leyla dev ji Fîgaro ber dide û bi rêya xwe de diçe. Piçekî li kuçe û kolanan digere, li qehwexaneyekê rûdine û dû re diçe mala xaltîka Cemîlayê. Li wê derê poşman dibe û li Fîgaro vedigere. Berhem li ser veqetandina Leyla û Fîgaro hatiye afirandin. Ji derveyî veqetandinê, bûyer û kirinên kêlekê yan jî paralel yên ku bi bûyera esasî ve girêdayine, xuya nakin.

Zanîngeha Hekariyê di rojên 16, 17 û 18/7 2010ê de konferansekê li ser ziman û edebiyata kurdî li Culemêrgê çê dike. Ev konferans li bin navê «Di sedsala 21ê de ziman û wêjeya kurdî» çê dibe û zimanê konferansê bes kurdî ye. Serokê zanîngeha Hekariyê Îbrahîm Belenlî li ser vê konferansê di malpera taybetî ya konferansê de, daxuyaniya konferansê bi kurdî jî weşandiye.

Bi mebesta amadekariyên ji bo Mihrîcana Baba Tahirê Lur, em bang li hemû nivîskar û lêkolîneran dikin ku di amadekariya vê Festêvalê de bibin alîkar. Her kesê ku bixwaze lêkolînekê li ser vê babetê binivîse, ji kerema we bila li gor xalên diyarkirî be. Eger her kesek nivîskarekê/î yan lêkolînerekê/î nas dike, ji kerema xwe wan agahdar bikin.

Komeleya Nivîskarên kurd li Swêdê îro li Stockholmê, bi amadebûna hejmareka nivîskar û şeydayên ziman û edebiaytê, rûniştinek li ser edebiyatê li Kitêbxaneya Kurdî li Stockholmê pêk anî. Serdar Roşan li ser edebiyatê û zimanî, Paşa Uzun li ser romanê û teknîka nivîsandina romanê û Hesenê Metê li ser novelê û avahiya wê axiftin. Enwer Karahanî êvar û minaqeşe bi rêve birin.

Li ser pirsa nivîsandina edebiyatê her kes bi babetekê difikire. Li gor hinekan; yên dikanin biaxifin, dikanin binivisînin jî. Hinek dikanin bixwînin, ji ber wê yekê jî dikanin binivisînin, yan jî her kes dikane binivisîne. Li gor hinekan jî, divê berê mirov rastnivîsandina zimanê kurdî hîn bibe û dû ra jî binivisîne. Li gora hinekan jî mirov hema ji xwe ra komputurekê dikire û dest bi nivîsandinê dike. Bêguman yên îmkanên wan heye, dikanin ji xwe ra komputurekê bikirin û binivisînin.

Dibêjin însan di zaroktîya xwe de karekterek werdigirin û ev karekter li temamê jîyana wan tesîr dike. Zarokên ku bi darê zorê, bi tirs û gefan zimanê dagirkeran hîn bûne û dibin, gelo tesîreke çawa li şexsîyeta wan bûye û dibe? Bi milyonan zarokên kurdan li dibistanên tirkan her sibehê bi sirûda ”Ez tirk im” dest bi dersê kirine û dikin. Gelo ev mejîşûştin û asîmîlasyona bi darê zorê, tesîreke çawa li van zarokan kirîye û dike?

Her çil jimarên Kurmancî, “rojnameya taybetî ya Enstîtuya kurdî ya Parîsê li ser pirsên zaravayê kurmancî” bi hev re tevî ferhengokeke bi kurdî-tirkî-fransizî-îngilîzî hatin çapkirin. “Kurmancî”ya ku wek weşanek herî girîng a ilmî tê qebûlkirin ji 1128 rûpelan pêk tê, di ebatê A4 de ye, 8 rûpelên wê rengîn in, li ser kaxeta spî hatiye çapkirin û bi çermê reş û bordo hatiye cildkirin.

CELADET ALÎ BEDIRXAN Di sala 1893an de li Stembolê hatiye dinyayê. Neviyê Mîr Bedirxan Paşa ye. Dibistana yekemîn û a navîn li Stembolê xwend. Di Şerê Cîhanê ê Yekemîn de di nav Artêşa Osmanî de li Eniya Kafkas bû. Piştî ku Împaratoriya Osmanî hilweşiya, ji bo yekîtiya eşîrên Kurd pêk bîne xebitî, lê bi ser neket. Di sala 1922an de tevî birayê xwe Kamiran Alî Bedirxan çû Almanyayê û li wir xwendina xwe domand. Di 1925an de derbasî Rojhilata Navîn bû, piştî demekê li Kahîre ma, çû Sûrî û li wir bi cih bû. Li binxetê bi Haco Axa û ronakbîrên din ên Kurd re Xoybûn ava kirin. Di salên 30î de dest bi xebatên kulturî kir. Berpirsiyar û xwediyê kovara Hawar û Ronahî bû. Elfabeya Kurdî bi latînî çêkir. Li ser gramera Kurdî xebatên gelekî girîng kirin. Celadet Alî Bedirxan, di 15ê Tîrmeha 1951ê de li Şamê çû ser dilovaniya xwe.

"Kilam & Stranên Kurdî" bi nota û gotin ku ji aliyê hunermend Cewad Merwanî ve hatibûn berhev kirin yek jê çapeke taybet û ya din jî ku ji 2 cildan pêk tê, di nav weşanên Avestayê de çap bû. Notayên stiranan Sherko Hamasalih Chingianî (Şêrko Hemesalih Çingiyanî) çê kirine. Çapa taybet ji 1024 û çapa din; cildê yekem 544 û yê duyem 492, tev de ji 1036 rûpelan pêk tê. Weşanxane, kitêba ku bi cildên din yên ku tên amade kirin re, dikare wek antolojiyeke kilam û stranên kurdî bê bi nav kirin, wiha pêşkêş dike:

Ji cildê Memê AlanDestana Memê Alan ku ji bo Mem û Zînê îlham dabû Ehmedê Xanî careke din ji nû ve çap bû. Du hezar ji Destanê, berê di sala 1997ê de hatibûn çap kirin û ev çend sal bûn çapa wê nemabû. Memê Alan ji aliyê Roger Lescotî ve hatiye berhev kirin û ev versiyon wek versiyona herî muteber tê nas kirin. Celadet Alî Bedirxan di Hawarê de ji bo vê varyanta Memê Alan wiha dibêje: